BAKI, 4 dekabr - Sputnik. Rusiya hava hücumundan müdafiə sistemləri son sutka ərzində 9 Ukrayna pilotsuz uçan aparatını, beş HIMARS və Uraqan RYAS mərmisini, həmçinin iki HARM antiradar raketini vurub. Bu barədə bazar günü Rusiya Federasiyası Müdafiə Nazirliyinin mətbuat xidməti məlumat yayıb.
“Bir sutka ərzində hava hücumundan müdafiə sistemləri "Luqansk Xalq Respublikası"nın Jitlovka, Krasnoreçenskoye, Qonçarovka, həmçinin "Donetsk Xalq Respublikası"nın Staromayorskoye, Kirillovka, Nikolskoye, Novotroitskoye, Blaqoveşşenka və Xarkov vilayətinin Yaqodnoye yaşayış məntəqələri ərazilərində Ukraynanın 9 pilotsuz uçuş aparatını vurub", - deyə mesajda deyilir.
Bundan əlavə, gün ərzində "LXR" və Zaporojye bölgəsində beş HIMARS və Uraqan reaktiv yaylım atəşi sistemləri, həmçinin Zaporojye və Xerson vilayətlərində iki HARM antiradar raketi ələ keçirilib.
Ümumilikdə, xüsusi hərbi əməliyyat başlayandan bəri Rusiya ordusu tərəfindən aşağıdakılar məhv edilib: 337 təyyarə, 178 helikopter, 2618 pilotsuz uçuş aparatı, 391 zenit-raket kompleksi, 6983 tank və digər zirehli döyüş maşını, 909 reaktiv yaylım atəşi döyüş maşını, 3653 səhra artilleriya qurğusu və minaatan, o cümlədən 7463 xüsusi hərbi texnika.