BAKI, 1 dekabr — Sputnik. Dollar artıq etibarlı deyil, avro tezliklə Qərbin maxinasiyasında istifadə oluna bilər.
Bunu Rusiyanın xarici işlər naziri Sergey Lavrov deyib.
"Həmin Ursula von der Lyayenin Rusiya dövlətinin və Rusiya vətəndaşlarının pullarını oğurlamaq üçün qəbul edilməli olan metod və ya qanunlara haqq qazandırmağa çalışarkən Avropa Birliyinin hansı fəndlərə əl atdığını nəzərə alsaq, dollara heç bir inam yoxdur, avro da fırıldaqçılıqda istifadə ediləcək. Buna görə də Aİ-də də, həmçinin, kiminsə hesabına yaşamaqdan ötrü müstəmləkə üsullarına qayıtmaq tendensiyası var" - deyə o, cümə axşamı keçirdiyi brifinqdə bildirib.