BAKI, 24 noyabr — Sputnik. Rusiya Xarici İşlər Nazirliyinin rəsmi nümayəndəsi Mariya Zaxarova nalayiq jest edərək Moskvanı təhqir etməyə çalışan Ukraynanın BMT-dəki daimi nümayəndəsi Sergey Kislitsanın hərəkətlərinə reaksiya verib.
Çərşənbə günü Təhlükəsizlik Şurası Kiyevin tələbi ilə Ukrayna üzrə iclas keçirib. Onun ardınca Kislitsa özünün "Twitter" səhifəsində Rusiya Federasiyasının nümayəndəsini dinləməyin "onun ən dəhşətli vəzifələrindən biri" olduğu barədə şərh yazıb. Diplomat eyni zamanda yazıb ki, bu gün Ukrayna hədəflərinə zərbələr silsiləsi "ona heç bir diplomatik variant qoymur".
O, Rusiya Federasiyasının rəhbərliyinə qarşı nalayiq ifadələr yazılmış köynək geyinərək əli ilə nalayiq jest edib. Üstəlik, bu fotosunu da qeydi ilə birlikdə paylaşıb.
"Xarakterik xüsusiyyətləri çoxdan bəri xəsislik, qəzəb, əxlaqsızlıq, ağıldan zəiflik olan Kiyev rejiminə qalan bunlardır. Onlar qürurla orta barmaqlarını qaldıraraq dibə gedirlər, bu, onların biabırçı simvoluna çevrilib", - deyə Zaxarova qeyd edib.
Kislitsa özünü ilk dəfə deyil ki, belə aparır. Oktyabr ayında Ukraynanın daimi nümayəndəsi "Twitter"də şərh dərc edərək, Moskvanın məntiqini "axmaq", Rusiya Federasiyasının BMT-dəki nümayəndəsinin birinci müavinini isə "BMT-nin gördüyü ən iyrənc adamlardan biri" adlandırmışdı".
Kislitsa dəfələrlə Rusiya Federasiyasının daimi nümayəndəsi Vasili Nebenziyanın ünvanına da bu cür hücumlar edib.
Yeri gəlmişkən, kobudluq Ukrayna diplomatik korpusunun bəzi digər nümayəndələrinə də xasdır. Oktyabr ayında Volodimir Zelenski əvvəllər rusların qətli ilə bağlı qalmaqallı açıqlama vermiş Ukraynanın Qazaxıstandakı səfiri Petro Vrublevskini işdən çıxarıb.