BAKI, 18 noyabr — Sputnik. Rusiya Federasiyası Beynəlxalq Atom Enerjisi Agentliyinin (BAEA) Ukraynada "çirkli bomba" hazırlanmasına dair yoxlamanın nəticələrinə dair hesabatını nəzərə alıb, lakin bu məlumatlarla kifayətlənmək üçün heç bir əsas yoxdur. Bunu Rusiya xarici işlər nazirinin müavini Sergey Ryabkov cümə günü bildirib.
O qeyd edib ki, Moskva BAEA-nın hesabatı ilə tanış olub və dərc olunan məlumatları qəbul edib.
"Lakin məsələ bunda deyil. Məsələ Ukraynada belə bir şeyin istehsalı və ondan təxribat məqsədləri üçün istifadə imkanlarının olmasındadır. Heç bir halda bu üç obyekt Kiyev rejiminin bu sahədə malik olduğu hər şey deyil", - Ryabkov jurnalistlərə bildirib.
"Bu rejimin hansı sponsorlara malik olduğunu, bu sponsorların nəyə qadir olduğunu nəzərə alsaq, deməli, BAEA-nın hesabatı ilə kifayətlənmək üçün heç bir əsas yoxdur", - Ryabkov qeyd edib.
Beynəlxalq Atom Enerjisi Agentliyinin baş direktoru Rafael Qrossi bildirmişdi ki, Zaporojye AES-də təhlükəsizlik vəziyyəti ilə bağlı narahatlıqlar hər gün artır.
ZAES Dnepr çayının sol sahilində, Enerqodar yaxınlığında yerləşir. Bu, aqreqatların sayına və gücünə görə Avropanın ən böyük atom elektrik stansiyasıdır. Mart ayından Rusiya hərbçilərinin himayəsindədir. Rusiya Federasiyası Xarici İşlər Nazirliyi nüvə və radioaktiv materialların sızmasının qarşısının alınması baxımından Rusiya hərbçilərinin elektrik stansiyasının mühafizə altına alınmasının vacibliyini bildirib. Ukrayna hərbçiləri isə Enerqodarı, ətraf kəndləri və Zaporojye AES-in şəhərə bitişik ərazilərini mütəmadi olaraq atəşə tutmaqda davam edir.