BAKI, 27 oktyabr - Sputnik. Rusiya Prezidenti Vladimir Putin “Valday” beynəlxalq diskussiya klubunun plenar iclasında Qərbi qanlı və təhlükəli oyun oynamaqda günahlandırıb.
"Qərb həmişə vəziyyəti gərginləşdirmək istəyir, qanlı, təhlükəli və çirkin oyun oynayır", - Putin “Valday” klubunun bugünkü iclasında deyib.
O, son aylarda Qərbin eskalasiya naminə bir sıra addımlar atdığını vurğulayıb.
Putin Qərbi Ukraynada müharibəni alovlandırmaqda, Tayvan ətrafında vəziyyəti gərginləşdirməkdə, enerji böhranını gücləndirməkdə və qaz kəmərlərini dağıtmaqda ittiham edib.
Qeyd edək ki, “Valday” klubunun builki toplantı oktyabrın 24-dən 27-dək keçirilir və “Hegemonluqdan sonrakı dünya: hamı üçün ədalət və təhlükəsizlik” mövzusuna həsr olunub.