BAKI, 15 oktyabr - Sputnik. MDB ölkələrindən birinin iki vətəndaşı Belqorod vilayətində Qərb Hərbi Dairəsinin poliqonunda terror aktı törədiblər. Bu barədə Rusiya Müdafiə Nazirliyi məlumat yayıb.
"Oktyabrın 15-də MDB ölkələrindən birinin iki vətəndaşı Belqorod vilayətində Qərb Hərbi Dairəsinin poliqonunda terror aktı törədib", - məlumatda deyilir.
Rusiya Müdafiə Nazirliyi ölkənin Belqorod vilayətindəki hərbi hissədə baş verən insidenti terror aktı adlandıraraq hadisədə 11 nəfərin öldüyünü, 15 nəfərin isə yaralandığını açıqlayıb.
Hadisənin Ukraynada xüsusi hərbi əməliyyatda iştirak etmək istəyən könüllülərlə atışma təlimi zamanı baş verdiyi dəqiqləşdirilir. Hücum edənlər bölmələrdən birinin şəxsi heyətinə atıcı silahlardan atəş açıblar.
“Atışma nəticəsində 11 nəfər ölüb. Daha 15 nəfər müxtəlif dərəcəli bədən xəsarətləri ilə tibb müəssisəsinə aparılıb. Onlara bütün lazımi yardımlar göstərilib”.
Nazirlik hər iki terrorçunun atışma nəticəsində öldürüldüyünü bildirib.
Hüquq-mühafizə orqanlarının əməkdaşları hadisə yerindədir.
***
Rusiyanın Ukrayna ilə sərhədyanı bölgədə yerləşən Belqorod vilayətində hərbi hissədə atışma olub.
Bu barədə “Baza” Telegram kanalı məlumat yayıb.
“Baza”nın məlumatına görə, hadisə nəticəsində ölənlər və yaralananlar var.
Eyni zamanda “SOTA” Telegram kanalı öz mənbələrinə istinadən 22 nəfərin öldüyü, 16 nəfərin isə yaralandığını açıqlayıb. Bununla belə, atəş açan hərbçilərin sayı 3 nəfər olub. Onlardan ikisi yerindəcə öldürülüb, 1-i isə qaça bilib.
Hadisə ilə bağlı rəsmi açıqlama verilməyib (Report).