BAKI, 10 oktyabr - Sputnik. Prezident Vladimir Putin Ukrayna hədəflərinə kütləvi zərbələrin endirilməsini təsdiqləyib.
O, oktyabrın 10-da Rusiya Federasiyası Təhlükəsizlik Şurasının daimi üzvləri ilə görüş zamanı xəbərdarlıq edib ki, Rusiya ərazisində terror aktları həyata keçirmək cəhdləri davam edərsə, cavablar sərt və Rusiyaya qarşı təhdidlərinin səviyyəsinə uyğun olacaq.
“Bu gün səhər saatlarında Müdafiə Nazirliyinin təklifi və Rusiya Baş Qərargahının planına əsasən uzaqmənzilli yüksək dəqiqlikli silahlarla hava, dəniz və qurudan Ukraynanın energetika obyektlərinə, hərbi komandanlığına və rabitə vasitələrinə kütləvi zərbə endirilib. Əgər ərazilərimizdə terror aktları törətmək cəhdləri davam edərsə, Rusiyanın cavabları sərt və miqyasına görə Rusiya Federasiyasına qarşı yaradılan təhdidlərin səviyyəsinə uyğun olacaq”, - deyə o, bildirib.