BAKI, 7 oktyabr — Sputnik. Rusiyalıların əksəriyyəti (80%) hesab edir ki, ölkə prezidenti Vladimir Putin öz vəzifəsini yaxşı yerinə yetirir. "İctimai Rəy" Fondunun ("FOMnibus") sorğusunun nəticələrinə görə, respondentlərin 78%-i ona etimad göstərir.
Sorğunun nəticələrindən məlum olub ki, respondentlərin 80%-i Rusiya Federasiyası prezidentinin öz vəzifəsini yaxşı yerinə yetirdiyi qənaətindədir. Rəyi soruşulanların 11%-i suala cavab verməkdə çətinlik çəkib, 9%-inin isə rəyi mənfidir.
Bununla yanaşı, rusiyalıların 78%-i Putinə güvənirlər. Respondentlərin 13%-i dövlət başçısına etibar etmir, 9%-i isə yenə də suala cavab verməkdə çətinlik çəkib.
"FOMnibus" sorğunu 30 sentyabr - 2 oktyabr tarixlərində Rusiyanın 53 regionunun 104 yaşayış məntəqəsində 18 və daha yuxarı yaşda olan 1,5 min respondent arasında yaşayış yeri üzrə müsahibə üsulu ilə aparıb. Bildirilir ki, sorğunun nəticələrində statistik xəta 3,6%-dən çox deyil.