BAKI, 29 sentyabr — Sputnik. Rusiya hərbçiləri bir sutka ərzində Ukrayna ordusunun "DXR" və Xarkov vilayətində altı komanda məntəqəsini vurub. Bunu Rusiya Müdafiə Nazirliyinin rəsmi nümayəndəsi İqor Konaşenkov bildirib.
"Operativ-taktiki və ordu aviasiyasının, raket qüvvələrinin və artilleriyanın zərbələri Ukrayna Silahlı Qüvvələrinin 6 komanda məntəqəsinə, o cümlədən "Donetsk Xalq Respublikası"nın Yelizavetovka qəsəbəsi yaxınlığında 53-cü mexanikləşdirilmiş briqadanın komanda məntəqələrinə endirilib. Həmçinin Xarkov vilayətinin Dvureçnaya qəsəbəsi ərazisində 14-cü mexanikləşdirilmiş briqada, həmçinin 198 ərazidə 87 artilleriya bölməsi, canlı qüvvə və hərbi texnikaya zərbələr endirilib", - Konaşenkov bu gün keçirdiyi brifinqdə bildirib.
Onun sözlərinə görə, Ukrayna Silahlı Qüvvələrinin 92-ci mexanikləşdirilmiş briqadasının ikinci batalyonunun Xarkov vilayətinin Kupyansk şəhəri yaxınlığındakı müvəqqəti dislokasiya məntəqəsində baş vermiş yanğın nəticəsində 70-dən çox ukraynalı hərbçi və 14 hərbi texnika məhv edilib.
"Rusiya Aerokosmik Qüvvələrinin "Donetsk Xalq Respublikası"nın Nikolaevka qəsəbəsi ərazisindəki "Xarici Legion" xarici muzdlu bölmələrinin mövqelərinə yüksək dəqiqliklə endirdiyi zərbə 80-ə qədər yaraqlını məhv edib", - Konaşenkov bildirib.