BAKI, 27 sentyabr — Sputnik. BMT Cənubi Qafqazda sülhün təmin olunması istiqamətində işləməyə sadiq qalır.
Bu barədə BMT-nin Azərbaycandakı Nümayəndəliyi "Twitter" hesabında yazıb.
Məlumatda sentyabrın 27-də Ermənistan-Azərbaycan münaqişəsində həlak olanların yad edildiyi, şəhidlərin və yaralananların ailələrinə dərin hüznlə başsağlığı verildiyi bildirilib.
“BMT Cənubi Qafqazda sülh və Dayanıqlı İnkişaf Məqsədlərinin inkişafı istiqamətində işləməyə sadiq qalır”, - paylaşımda qeyd olunub.
Qeyd edək ki, bu gün Ermənistanın Azərbaycana qarşı hərbi təxribatlarının, döyüş aktivliyinin qarşısını almaq, mülki əhalinin təhlükəsizliyini təmin etmək məqsədilə başladılan Vətən müharibəsində canlarından keçən qəhrəman şəhidlərimizin Anım Günüdür.
Xatırladaq ki, Müdafiə Nazirliyinin 2020-ci il sentyabrın 27-də yaydığı məlumata görə, həmin gün Azərbaycan Ordusunun uğurlu əks-hücum əməliyyatları nəticəsində Füzuli-Cəbrayıl istiqamətində Qaraxanbəyli, Qərvənd, Kənd Horadiz, Yuxarı Əbdürrəhmanlı, Böyük Mərcanlı və Nüzgar kəndləri işğaldan azad edilib.