BAKI, 20 sentyabr — Sputnik. Avropa Birliyi ölkələrində çörək heç vaxt indiki qədər baha olmayıb. Belə ki, cari ilin avqust ayında ötən illə müqayisədə orta hesabla 18 faiz artım olub. Bu barədə Avropa statistika agentliyi - "Eurostat"ın məlumatında qeyd edilir.
Məlumatda qeyd olunur ki, çörək ən çox Macarıstanda bahalaşıb - 60 faiz. Ən az bahalaşma isə Fransada olub - 10 faiz. Belçikada isə çörəyin qiymətinin 13 faiz artdığı bildirilir.
"Eurostat"da inflyasiyanın səbəbi kimi Ukraynadakı vəziyyət, bu ölkənin taxılının qıtlığı və enerji böhranı göstərilir. Bildirilir ki, Aİ-də çörəyin qiymətindəki artım avqust ayında 10 faizə yüksələn inflyasiyanı keçib.