BAKI, 1 sentyabr - Sputnik. Rusiya insanlar arasında "körpüləri yandırmaq" kimi ağılsız siyasətində Avropa İttifaqı (Aİ) kimi olmayacaq. Rusiya mediasının məlumatına görə, bunu RF Xarici İşlər Nazirliyinin sözçüsü Mariya Zaxarova cümə axşamı günü Aİ ilə viza rejiminin sadələşdirilməsi sazişini dayandırmaq planlarını şərh edərkən deyib.
“Biz insanlar arasında “körpü yandırmaq” kimi əsassız siyasətdə Avropa İttifaqına bənzəməyəcəyik, eyni zamanda vətəndaşlarımızın maraqlarını qorumaq və öz milli təhlükəsizliyimizi təmin etmək üçün cavab tədbirləri görmək hüququnu özümüzdə saxlayırıq”, - deyə Zaxarova bildirib.
Eyni zamanda XİN rəsmisi qeyd edib ki, Moskva Avropa İttifaqının Rusiya ilə sadələşdirilmiş viza rejimindən imtina etmək qərarında Rusiya Federasiyasının işlərinə açıq şəkildə müdaxilə etmək cəhdi görür.
Onun sözlərinə görə, viza rejiminin sadələşdirilməsi sazişi həm Rusiya vətəndaşları, həm də avropalılar üçün humanitar, təhsil, işgüzar və digər səfərləri asanlaşdırmağa imkan verirdi:
“Görünür, bu vəziyyət Rusiya əleyhinə olan Aİ ölkələrinə yaraşmayıb, onlar bizim ölkə vətəndaşlarını öz dövlətlərinin müstəqil xarici siyasətini, başqa ölkənin işlərini dəstəklədiklərinə görə “cəzalandırmaq” qərarına gəliblər”, - deyə Zaxarova bildirib.
Xatırladaq ki, çərşənbə günü Aİ nümayəndəsi Cosef Borrell bildirib ki, quruma daxil olan ölkələr Rusiya ilə viza rejiminin sadələşdirilməsini tamamilə dayandırmaq üçün siyasi razılaşma əldə ediblər, lakin Rusiya vətəndaşlarının müəyyən kateqoriyaları hələ də Aİ vizalarını ala biləcəklər.