BAKI, 30 avqust — Sputnik. Rusiya prezidenti Vladimir Putin Rusiya aqrar-sənaye kompleksini tənəzzüldən çıxarıb, ölkəni "kənd təsərrüfatının fövqəldövləti"nə çevirə bilib. Bu barədə İtaliyanın "Corriere della Sera" nəşrində dərc olunmuş yazıda deyilir.
Məqalənin müəllifi Federiko Rampiniyə görə, 20-ci əsrin ikinci yarısında ABŞ-dan taxıl tədarükündən asılı olan Rusiya 2000-2018-ci illər arasında kənd-ərzaq məhsulları ixracını 16 dəfə artırıb.
Buğda yığımı, arxiv şəkli
© AP Photo / Efrem Lukatsky
Hazırda rusiyalı fermerlər ABŞ-dan daha çox taxıl becərirlər. Bu göstəriciyə görə Rusiya Federasiyası dünyada Çin və Hindistandan sonra üçüncü yeri tutur.
Cari ilin sonuna qədər Rusiyada taxıl ixracının həcminin əvvəlki ilin səviyyəsini aşacağı gözlənilir.
"Kənd təsərrüfatı Putinin gizli zəfəridir", - deyə Rampini bildirib.
Daha əvvəldən məlum olub ki, 2022-ci ildə Rusiyada rekord buğda məhsulu gözlənilir.