Azərbaycan komandası Moskva yaxınlığındakı Alabinoda keçirilən “Tank biatlonu” yarışının yarımfinalında iştirak edir.
Qeyd edək ki, yarışlar “Beynəlxalq Ordu Oyunları-2022” çərçivəsində keçirilir.
Xatırladaq ki, dünən keçirilən yarımfinalda Rusiya və Belarus komandalarının tank heyətləri yarışın final mərhələsinə keçiblər.
Bu il Beynəlxalq Ordu Oyunları 12 ölkədə, o cümlədən Belarus, Azərbaycan, Əlcəzair, Venesuela, Vyetnam, İran və Rusiyada keçirilir. Oyunlarda 37 ölkədən 270-dən çox komanda iştirak edir, o cümlədən yeni iştirakçılar arasında Niger və Ruanda da var.
Azərbaycan hərbçiləri "Ordu Oyunları-2022"nin dörd yarışında iştirak edirlər: “Tank biatlonu”, “Dəniz kuboku”, “Artilleriya atəşinin ustaları” və “Snayper həddi”.
Respublikanın beşinci dəfədir ki, avqustun 27-dək davam edəcək "Dəniz kuboku" yarışına ev sahibliyi edir.