BAKI, 21 avqust – Sputnik. Rusiyalı ictimai xadim və filosof Aleksandr Duqinin qızı, 30 yaşlı Darya Duqinanın ölümü dəhşətli cinayətdir. Bunu Rusiya Dövlət Dumasının vitse-spikeri Pyotr Tolstoy deyib. O, Telegram kanalında qeyd edib ki, onun qətli cəzasız qalmamalıdır.
"Moskvada dəhşətli cinayət. Darya Duqin öldürüldü. Onu tanıyırdım. Savadlı, enerjili, yüksək intellektli, aydın vətəndaş mövqeyi olan qız. Bu cinayət cəzasız qalmamalıdır, bu, 90-cı illərdəki kimi oliqarxlar bir-biri ilə toqquşması deyil, bu, hamımız üçün bir çağırışdır", - deyə Tolstoy yazıb.
Dövlət Dumasının vitse-spikerinin fikrincə, Duqinanın qətli sərt və qəti cavab tələb edir. O, həmçinin qeyd edib ki, atasına dərin hüznlə başsağlığı verir.
Duqinanın ölümü ilə bağlı məlumat avqustun 20-də axşam saatlarında yayılıb. İlkin məlumata görə, Aleksandr Duqinin qızı avtomobilinin partlaması nəticəsində ölüb. Bir sıra KİV və siyasi xadimlər hadisənin arxasında "ukraynalı terrorçuların" ola biləcəyini, qətlin özünün isə Duqinanın atasının fəaliyyəti ilə bağlı olduğunu istisna etməyib.
Bundan əvvəl jurnalist və ictimai xadim Duqinanın avtomobilinə partlayıcı qurğunun sürücü tərəfində olan avtomobilin dibinin altına qoyulduğu bildirilirdi.