BAKI, 16 avqust — Sputnik. Azərbaycan Respublikasının Prezidenti İlham Əliyev avqustun 16-da bir sıra dövlətlərin ölkəmizdəki səfirlərinin etimadnaməsini qəbul edib.
Almaniya Federativ Respublikasının ölkəmizdə yeni təyin olunan fövqəladə və səlahiyyətli səfiri Ralf Horlemannın etimadnaməsi dövlət başçısı tərəfindən qəbul edilib.
Argentinanın ölkəmizə yeni təyin olunan fövqəladə və səlahiyyətli səfiri xanım Marianxeles Belluşi də etimadnaməsi Azərbaycan Prezidentinə təqdim edib.
Bu gün Prezident İlham Əliyev həmçinin İsveç Krallığının ölkəmizdə yeni təyin olunan fövqəladə və səlahiyyətli səfiri Tobias Lorentzonun etimadnaməsini qəbul edib.
Türkmənistanın ölkəmizdə yeni təyin olunan fövqəladə və səlahiyyətli səfiri Qurbanməmmet Elyasovun etimadnaməsi də avqustun 16-da dövlət başçısı tərəfindən qəbul edilib.
Bu barədə Prezidentin Mətbuat Xidməti məlumat yayıb.