BAKI, 2 avqust — Sputnik. ABŞ senatorları Rusiyanı terrorçuluğa sponsorluq edən dövlət elan edəcəkləri təqdirdə Moskvanın Vaşinqtonla diplomatik münasibətləri kəsməsi mümkündür. Bu barədə Rusiya Xarici İşlər Nazirliyinin rəsmi nümayəndəsi Mariya Zaxarovaya brifinq zamanı deyib.
"Beynəlxalq hüquqa zidd olaraq, senatorlar və konqresmenlər tərəfindən qanunvericiliyin belə tətbiqi Rusiyanı ABŞ-ın icad etdiyi qaydalara əsaslanan dünya nizamına uyğun yaşamağa məcbur edə biləcək dəhşətli cəza kimi qiymətləndirilə bilər", - deyə rusiyalı diplomat əlavə edib.
Zaxarovanın sözlərinə görə, Moskvaya qarşı belə mövqe çox sadəlövhdür.
"Eyni zamanda, unudulur ki, istənilən bir hərəkət əks-hərəkətə səbəb olur və belə bir addımın məntiqi nəticəsi diplomatik münasibətlərin pozulması ola bilər. Bundan sonra Vaşinqton nəhayət, geri dönüşü olmayan nöqtəni keçmək riski ilə üzləşir", - Zaxarova bildirib.
Xatırladaq ki, ABŞ Senatı Dövlət Departamentində Çeçenistan, Gürcüstan, Suriya və Ukraynadakı müharibələrə görə Rusiyanı terrorçuluğa sponsorluq edən dövlət olaraq tanımağa çağıran qətnamə qəbul edib. Qətnamədə Senatın ABŞ dövlət katibinə Rusiya Federasiyasını terrorizmə sponsorluq edən dövlətlər siyahısına daxil etməyə çağırışı yer alıb.