BAKI, 9 iyul - Sputnik. Azərbaycan Xarici İşlər Nazirliyi (XİN) diplomatik xidmət orqanlarının yaradılması münasibətilə təbrik paylaşıb.
Azərbaycan XİN bu münasibətlə tvitterdə paylaşım edib.
"Azərbaycan Respublikasının diplomatik xidmət orqanlarının yaradılmasının 103-cü ildönümü münasibətilə xarici siyasət sahəsində fəaliyyət göstərən bütün həmkarlarımızı ürəkdən təbrik edirik. Peşə Bayramı Günümüz Mübarək!", - Azərbaycanın Xarici İşlər Nazirliyinin tviter paylaşımında qeyd olunub.
Bu gün Azərbaycan Xarici İşlər Nazirliyi (XİN) diplomatik xidmət orqanlarının yaradılması günüdür. Bu münasibətlə diplomatik xidmət orqanlarının əməkdaşları Fəxri xiyaban və Şəhidlər xiyabanını ziyarət edib.
XİN bu barədə “Twitter“ səhifəsində paylaşım edib.
“9 iyul - Azərbaycan Respublikası diplomatik xidmət orqanları əməkdaşlarının peşə bayramı münasibətilə XİN-in rəhbər heyəti və diplomatik nümayəndəliklərin rəhbərləri Fəxri xiyaban və Şəhidlər xiyabanını ziyarət edib”, - paylaşımda qeyd olunub.