BAKI, 2 iyul - Sputnik. İlkin məlumatlara görə, İranın cənubunda baş verən zəlzələ nəticəsində 5 nəfər həlak olub, daha 44 nəfər xəsarət alıb. Bu barədə İnterfax xəbər yayıb.
Yerli media hakimiyyət orqanlarının verdiyi məluamata görə, bundan əvvəl Hörmüzqan əyalətinin Fövqəladə Hallar Departamentinin rəhbəri Mehrdad Həsənzadə dövlət televiziyasına 3 nəfərin öldüyü və 8 nəfərin yaralandığı barədə məlumat verib.
Qeyd edək ki, zəlzələ şənbə günü gecə, Bakı vaxtı ilə saat 01:32-də baş verib.
İran mediası zəlzələnin maqnitudasını 6,1 bal, Avropa Aralıq dənizi Seysmoloji Mərkəzi (EMSC) isə 6,0 bal gücündə olduğunu bildirib.
Bildirilir ki, ilk təkandan sonra təkrar təkanlar da olub. EMSC-nin məlumatına görə, zəlzələnin ocağı 10 km dərinlikdə yerləşib.
Digər maraqlı xəbərləri həmçinin Sputnik Azərbaycan-ın Teleqram kanalından izləyin.