BAKI, 1 iyul — Sputnik. Rusiya Prezidenti Vladimir Putin bildirib ki, Rusiyanın dünyada çoxlu həmfikri var. Bu həmfikirlər öz yolları ilə getmək istəyir, lakin başını qaldırıb bunu ucadan deməkdən qorxurlar.
"RİA Novosti" agentliyinin verdiyi xəbərə əsasən, bu barədə Rusiya Prezidenti Vladimir Putin bildirib.
Cümə axşamı dövlət başçısı Xarici Kəşfiyyat Xidmətinin mənzil-qərargahını ziyarət edib.
"Doqmatizm, keçmişin yükü, həqiqətlə üz-üzə gəlmək istəməmək istər-istəməz Qərbin növbəti düşünülməmiş impulsiv hərəkətləri riskini artırır. Amma eyni zamanda, məhz bu vəziyyət Rusiyanın dünyada mövcud olan çox sayda həmfikirlərini üzə çıxarır. Doğrudur, bəziləri həm başlarını qaldırmağa, həm də bunu ucadan deməyə qorxurlar", - deyə Putin vurğulayıb.
Prezident qeyd edib ki, onun haqqında danışdığı şəxslər Rusiya ilə "təxminən, eyni rejimdə düşünürlər, əslində, elə bizim kimi düşünürlər".
"Onların - bu həmfikir ölkələrin, insanların və xalqların sayı çoxdur, hansılar ki, əsl çoxtərəflilik prinsipləri əsasında öz yolları ilə getmək istəyirlər", - deyə Rusiya Federasiyasının rəhbəri bildirib.
Digər maraqlı xəbərləri həmçinin Sputnik Azərbaycan-ın Teleqram kanalından izləyin.