MƏDƏNİYYƏT

Robert De Nironun İstanbulda nə işi var?

Məşhur Hollivud aktyoru Türkiyəyə ortağı olduğu“Nobu İstanbul” restoranını “yoxlamağa” gəlib, amma sənədli film də olacaq.
Sputnik
BAKI, 27 iyun - Sputnik. Dünya səviyyəli ulduz - amerikalı aktyor, prodüser və rejissor Robert De Niro Londondan özəl təyyarə ilə Türkiyəyə uçub.
Yerli mətbuatın yazdığına görə, 78 yaşlı aktyor iş ortaqları - yapon aşpaz Nobu Matsuhisa və kinoprodüser Meir Teperlə ortağı olduğu “Nobu İstanbul” restoranına baş çəkməyə gəlib.
Aktyoru restoran haqqında sənədli film çəkəcək çəkiliş qrupu da müşayiət edir.
De Niro həmin müəssisənin yerləşdiyi oteldə qalıb.
“Mən Türkiyəni çox sevirəm və “Nobu İstanbulu” çox bəyənirəm”, - deyən amerikalı aktyor İstanbulu gəzməyi planlaşdırdığını bildirib.
“Nobu İstanbul” 2021-ci ilin iyul ayında açılıb. Lakin De Niro pandemiya səbəbindən açılış mərasimində iştirak edə bilməyib.
Hollivud ulduzunun iş ortağı, yapon aşpazın adını daşıyan ilk Nobu restoranı 1994-cü ildə açılıb.
İndi dünyada 51 Nobu restoranı var ki, onlardan ikisi Türkiyədə - biri İstanbulda, ikincisi Bodrum kurort şəhərində yerləşir.
CƏMİYYƏT
Robert De Niro çəkiliş meydançasında yaralanıb