BAKI, 25 iyun - Sputnik. Daşkəsən rayonunun Aşağı Quşçu kəndində ölümlə nəticələnən yol-nəqliyyat hadisəsi baş verib.
Avtomobilin idarəetmədən çıxaraq aşması nəticəsində 1995-ci il təvəllüdlü Ruslan Cabbarov və 1990-cı il təvəllüdlü Rövşən Alıyev xəsarət alıblar.
Qəza zamanı xəsarət almış daha bir nəfər isə (şəxsiyyəti dəqiqləşdirilir-red) hadisə yerində dünyasını dəyişib.
Göygöl rayonunun Zurnabad kəndində də ölümlə nəticələnən avtomobil qəzası olub.
Qəza zamanı A.Bayramov xəsarət alıb. Yaralı xəstəxanaya yerləşdirilsə də onun həyatını xilas etmək mümkün olmayıb.
Hər iki faktla bağlı araşdırmalara başlanılıb.
Digər maraqlı xəbərləri həmçinin Sputnik Azərbaycan-ın Teleqram kanalından izləyin.