BAKI, 24 iyun - Sputnik. Rusiya Federasiyasında səfərdə olan müdafiə nazirinin birinci müavini - Azərbaycan Ordusunun Baş Qərargah rəisi general-polkovnik Kərim Vəliyev iyunun 24-də Moskvada keçirilən Müstəqil Dövlətlər Birliyinə (MDB) üzv ölkələrin Müdafiə Nazirləri Şurasının 80-ci iclasında iştirak edib. Bu barədə Azərbaycan Müdafiə Nazirliyi məlumat yayıb.
Baş Qərargah rəisi MDB Müdafiə Nazirləri Şurasının növbəti iclasında iştirak edib
© AR Ministry of Defence CCMO
Rusiyanın müdafiə naziri Sergey Şoyqu cümə günü bildirib ki, MDB ölkələrinin Müdafiə Nazirləri Şurası Silahlı Qüvvələrin Birgə Rabitə Sisteminin inkişafı və Vahid Dövlət Radar İdentifikasiyası Sisteminin təkmilləşdirilməsi üzrə nəzərdə tutulan tədbirləri nəzərdən keçirib.
"İclasda... Silahlı Qüvvələrin Birgə Rabitə Sisteminin inkişafı məsələlərinə baxılıb, Vahid Dövlət Radar İdentifikasiyası Sisteminin təkmilləşdirilməsi üzrə tədbirlər planlaşdırılıb", - deyə o iclasın yekunlarına dair bildirib.
Onun sözlərinə görə, bundan əlavə, iclasda silahlı qüvvələrdə aviasiya təhlükəsizliyinin vəziyyəti təhlil edilib, həmçinin vahid hava hücumundan müdafiə sisteminin inkişafının maliyyələşdirilməsi məsələləri razılaşdırılıb.
Digər maraqlı xəbərləri həmçinin Sputnik Azərbaycan-ın Teleqram kanalından izləyin.