BAKI, 16 iyun — Sputnik. Rusiyanın öz təşəbbüsü ilə ÜTT-dan ( Ümumdünya Ticarət təşkilatı) çıxmaq niyyəti yoxdur və onu hüquqi cəhətdən bu təşkilatdan çıxarmaq mümkün deyil.
Bu barədə Rusiya xarici işlər nazirinin müavini Aleksandr Pankin cümə axşamı bildirib.
"Bu müzakirə edilmir. Biz hesabladığımız və əldə etdiyimiz faydalar əsasında təşkilata şüurlu şəkildə qoşulmuşuq və qapını örtmək fikrində deyilik", - deyə o, Sankt-Peterburq Beynəlxalq İqtisadi Forumunda (SPBİF) "İnterfaks" müstəqil xəbər agentliyinin jurnalistinin sualına cavab verib.
Pankin, həmçinin, vurğulayıb ki, "Rusiyanın ÜTT-dan prosessual və hüquqi cəhətdən çıxarılması mümkün deyil".