BAKI, 11 iyun — Sputnik. İsti havaların ardından qərb bölgəsində yağan leysan yağış Goranboyun dağ kəndlərində ciddi fəsad törədib. Sputnik Azərbaycan xəbər verir ki, ötən gün yağan güclü yağış nəticəsində Ballıqaya, Aşağı Ağcakənd yaşayış məntəqlərində bir neçə istirahət məkanı sel sularının, lil və palçıq qatının altında qalıb.
Ərazidən keçə Qaraçayda sululuq artığından ətrafdakı obyektlər zərər görüb. Yağışın yaratdığı sel suları bir neçə avtomobillərə də ziyan vurub.
Aşağı Ağcakənd qəsəbəsində fəaliyyət göstərən istirahət məkanlarının həyətində lil-palçıq qatının hündürlüyü yarım metrdən artıq olub.
Güclü yağışdan sonra Goranboyun ucqar dağ kəndlərinə gedən yollarda da çətinliklər yaranıb.
Aidiyyatı qurumlar tərəfindən əraziyə ağır texnika cəlb edilərək yaranmış çətinliyin aradan qaldırılması üçün iş aparılıb.
Hazırda bölgədə mülayim hava şəariti müşahidə edilməkdədir.
Digər maraqlı xəbərləri həmçinin Sputnik Azərbaycan-ın Teleqram kanalından izləyin.