BAKI, 31 may — Sputnik. Azərbaycanın xarici işlər naziri Ceyhun Bayramov gələn həftə Türkiyəyə səfər edəcək.
Bunu Türkiyənin xarici işlər naziri Mövlud Çavuşoğlu "Anadolu"ya müsahibəsində söyləyib.
Çavuşoğlu rusiyalı həmkarı Lavrovun buğda məsələsi də daxil olmaqla Qara dənizdə təhlükəsizlik dəhlizinin açılmasını müzakirə etmək üçün iyunun 8-də Türkiyəyə gələcəyini açıqlayıb.
Onun sözlərinə görə, Rusiyanın XİN başçısı ilə birgə hərbi heyət də gələcək: "Lavrov gəlmək istədiyini özü dedi. Biz də buyurun gəlin dedik. Təhlükəsiz dəhlizin açılması, gəmilərin girib-çıxması üçün nələrin edilməsi lazımdır məsələləri müzakirə olunacaq".
Rusiya XİN rəhbəri qeyd edib ki, eyni zamanda İranın xarici işlər naziri Hüseyn Əmir Abdullahian, Şimali Makedoniya, Almaniya və Niderlandın XİN başçıları da Türkiyəyə səfər edəcək.
Digər maraqlı xəbərləri həmçinin Sputnik Azərbaycan-ın Teleqram kanalından izləyin.