BAKI, 20 may — Sputnik. Cəfər Cabbarlı adına "Azərbaycanfilm" kinostudiyasında yanğın olub. Bu barədə verilən məlumatda qeyd olunub.
Bildirilib ki, hadisə "Salnamə" studiyasının yaxınlığındakı otaqda baş verib. Fövqəladə Hallar Nazirliyinin əməkdaşları hadisə yerinə cəlb ediliblər. Qısa müddət ərzində yanğın söndürülüb.
İlkin məlumata görə, hadisə zamanı 15-16 kvadratmetr ərazi yanıb. Hansısa xəsarət və zəhərlənmə faktı qeydə alınmayıb.
Xatırladaq ki, bir müddət öncə - aprelin 28-də "Azərsun Sənaye Parkı"nın ərazisində yanğın hadisəsi baş vermişdi.
Digər maraqlı xəbərləri həmçinin Sputnik Azərbaycan-ın Teleqram kanalından izləyin.