BAKI, 18 may — Sputnik. Amerikalı biznesmen, "SpaceX" şirkətinin qurucusu İlon Mask ABŞ prezidenti Co Bayden haqqında danışarkən qeyd edib ki, əsl dövlət başçısı telesuflyoru idarə edən şəxsdir. Maskın bu fikirlərini "Fox" telekanalı yayımlayıb.
"Əsl prezident telesuflyoru idarə edəndir. Hakimiyyətə gedən yol telesuflyorluğa gedən yoldur", - deyə qeyd edilib.
Onun fikrincə, Bayden administrasiyası çox az iş görür.
Mask hesab edir ki, öz növbəsində eks-prezident Donald Trampın komandasında da effektiv fəaliyyət göstərən çoxlu insanlar var idi.
Biznesmenin fikrincə, Demokratlar Partiyasına həmkarlar ittifaqı və məhkəmə vəkilləri tərəfindən həddindən artıq nəzarət olunur. O, əlavə edib ki, Demokratlar xalqın maraqlarına qarşı çıxanda bu, bir qayda olaraq hüquqşünasların və həmkarlar ittifaqlarının çağırışları ilə bağlı olur.
Maskın fikrincə, ABŞ-da inflyasiya hökumətin ehtiyac duyulandan daha çox pul çap etməsi səbəbindən artıb.
"Aydındır ki, siz sadəcə pul yarada bilməzsiniz", - deyə Mask vurğulayıb.
İş adamı öz növbəsində əsl iqtisadiyyata işarə edərək, onun əmtəə və xidmətlərin istehsalı olduğunu qeyd edib.
Digər maraqlı xəbərləri həmçinin Sputnik Azərbaycan-ın Teleqram kanalından izləyin.