BAKI, 18 may — Sputnik. İqtisadi Əməkdaşlıq Təşkilatı Parlament Assambleyasının (İƏT PA) üçüncü ümumi konfransının iştirakçıları işğaldan azad olunmuş ərazilərə səfər çərçivəsində Şuşa şəhərinə səfər edib.
Bu gün konfrans iştirakçıları Azərbaycanın mədəniyyət paytaxtı Şuşa şəhəri ilə tanış olub.
İƏT PA-nın Üçüncü Ümumi Konfransının iştirakçıları Füzuli Beynəlxalq Hava Limanı ilə tanış olublar
© Photo : AZƏRTAC
Azərbaycan Prezidentinin Şuşa rayonunda xüsusi nümayəndəsi Aydın Kərimov səfər iştirakçılarına şəhərdə aparılan abadlıq-quruculuq işləri barədə məlumat verib.
Bu gün konfrans iştirakçıları Füzuli Beynəlxalq Hava Limanı ilə də tanış olublar.
Qonaqlara beynəlxalq hava limanı haqqında məlumat verilib.
İƏT PA-nın Üçüncü Ümumi Konfransının iştirakçıları Füzuli Beynəlxalq Hava Limanı ilə tanış olublar
© Photo : AZƏRTAC
Bildirilib ki, Qarabağın "hava qapısı" adlandırılan Füzuli Beynəlxalq Hava Limanı ən müasir səviyyədə inşa olunub və hava limanının istənilən tip hava gəmisini qəbul etmək imkanları var. Aeroportun uçuş-enmə zolağının uzunluğu 3000, eni isə 60 metrdir. Hava limanının müasir infrastrukturla təchiz olunan terminalı saatda ən azı 200 sərnişinin buraxılışına imkan verir. Burada görülən bütün işlər beynəlxalq norma və standartlara uyğun şəkildə həyata keçirilib.
Digər maraqlı xəbərləri həmçinin Sputnik Azərbaycan-ın Teleqram kanalından izləyin.