BAKI, 16 may — Sputnik. Ryabkov saxlanılan rusiyalılarla bağlı ABŞ-la qarşılıqlı əlaqənin vacibliyindən danışıb
Moskva ümid edir ki, Vaşinqton ABŞ-da həbsdə olan rusiyalıların azad edilməsi və onların Rusiyada saxlanılan ABŞ vətəndaşları ilə mümkün mübadiləsi məsələlərində konstitutiv əməkdaşlığın vacibliyini anlayır. Bu barədə Rusiya Xarici işlər nazirinin müavini Sergey Ryabkov jurnalistlərə bildirib.
"Rusiyalı pilot Konstantin Yaroşenkonun mübadiləsi məsələsi uzun müddətdir ki, müzakirə olunub. Burada bu kanallar (ən yüksək səviyyədə) cəlb olunmayıb, lakin iş operativ və peşəkar şəkildə aparılıb", - deyə Ryabkov qeyd edib.
O, köhnə və çox ağır süjetlərdən heç olmasa birinin keçmişdə qalmasından məmnunluğunu ifadə edərək deyib: "Biz Konstantinin qayıtmasına şadıq, onu və ailəsini təbrik edirik".
"Ümid edirəm ki, amerikalılar digər əsassız həbslər və ümumiyyətlə qeyri-qanuni hallarla bağlı, bəzi aspektlərdə ABŞ-da uzun müddət həbs cəzası alan vətəndaşlarımızın tutulmasında konstitutiv fəaliyyətin əhəmiyyətini anlayırlar. Məsələ təkcə Yaroşenko ilə bağlı vəziyyətlə məhdudlaşmır. Biz köhnə mövqeyimizə sadiqik ki, vətəndaşlarımız azadlığa buraxılmalıdır. Dəfələrlə amerikalılara uyğun variantlar təklif edilib. Gələcəkdə nələrin mümkün olduğunu görəcəyik", - deyə Ryabkov əlavə edib.
Digər maraqlı xəbərləri həmçinin Sputnik Azərbaycan-ın Teleqram kanalından izləyin.