BAKI, 30 aprel - Sputnik. Türkiyə Rusiya və Ukrayna arasında böhranın aradan qaldırılması üçün səylərini qətiyyət və səmimiyyətlə davam etdirəcək. RİA Novosti xəbər verir ki, bunu Türkiyə prezidenti Rəcəb Tayyib Ərdoğan deyib.
“Prezident Ərdoğan və BMT-nin baş katibi Antonio Quterreş arasında şənbə günü telefon danışığında Ukraynadakı müharibə ilə bağlı son hadisələr müzakirə olunub. BMT-nin baş katibi Quterreş prezident Ərdoğanı Moskva və Kiyevdəki təmasları barədə məlumatlandırıb”, - deyə Türkiyə liderinin ofisindən bildirilib.
Bildirilir ki, görüş zamanı prezident Ərdoğan Türkiyənin həm humanitar təmas qrupu, həm də təxliyə və humanitar yardım məsələləri ilə bağlı BMT-nin rəhbərlik etdiyi tədqiqatlara maksimum dəstək verməyə hazır olduğunu bildirib.
"Ankaranın Ukrayna və Rusiyanı sağlam düşüncə ilə və barışıq əsasında hərəkət etməyə çağırmağa davam edəcəyini bəyan edən Ərdoğan Türkiyənin də bu böhranı aradan qaldırmaq və sülhün bərqərar olması üçün səylərini qətiyyət və səmimiyyətlə davam etdirəcəyini vurğulayıb", - ofisdən bildirilib.
Türkiyə Prezidenti sonda BMT-nin baş katibi Quterreşi ad günü münasibətilə təbrik edib.
Digər maraqlı xəbərləri həmçinin Sputnik Azərbaycan-ın Teleqram kanalından izləyin.