BAKI, 9 aprel - Sputnik. İsrailin Rahat şəhərində bir nəfər kafeyə gələnlərə atəş açıb, 4 nəfər yaralanıb. Bu barədə RİA Novosti İsrail polisinin mətbuat xidmətinə istinadən xəbər yayıb.
"İsrail polisinə Rahatdakı qəlyan barında atışma xəbəri daxil olub. Tibbi mənbələrdən verilən məlumata görə, 4 nəfər orta dərəcəli, 1 nəfər isə ağır xəsarətlərlə Soroka xəstəxanasına təxliyə edilib", - deyə polisin açıqlamasında bildirilir.
Qeyd olunur ki, Rahat əhalisinin əksəriyyəti ərəblərdən ibarət olan şəhərdir. Hadisə yerinə gələn polis əməkdaşları yerli sakinlər tərəfindən daş-qalaq edilib.
Aprelin 7-də İsrailin paytaxtı Təl-Əviv şəhərində törədilmiş terror aktı nəticəsində iki nəfər həlak olub. Hadisə nəticəsində daha dörd nəfər yaralanıb. Martın 29-da isə İsraildə atışma nəticəsində 4 nəfər ölüb.
Digər maraqlı xəbərləri həmçinin Sputnik Azərbaycan-ın Teleqram kanalından izləyin.