BAKI, 3 aprel - Sputnik. Polşanın ABŞ-ın nüvə silahını ölkədə yerləşdirmək təklifi təxribatdır, Vaşinqtonun nüvə çətiri altına girmək istəyidir. RİA Novosti xəbər verir ki, belə bir bəyanatla bazar günü RİA Novosti-yə müsahibəsində Rusiya Federasiya Şurasının sədr müavini Konstantin Kosaçev çıxış edib.
Xatırladaq ki, Polşa baş nazirinin müavini, Milli Təhlükəsizlik və Müdafiə Komitəsinin sədri Yaroslav Kaçinski “Welt am Sonntag” nəşrinə müsahibəsində Polşanın ABŞ-ın nüvə silahlarına ev sahibliyi etməyə hazır olduğunu bildirib.
“Bildiyiniz kimi, amerikalılar nüvə silahını (təxminən 150 ədəd B61 taktiki termonüvə aviasiya bombası) Avropanın beş ölkəsindəki altı hərbi bazasında saxlayırlar – (bunlar Almaniya, Belçika, Hollandiya, İtaliya və Türkiyədədir”, - deyə Kosaçov bildirib.
Onun sözlərinə görə, kütləvi qırğın silahının bu ən təhlükəli növünün milli ərazidən kənarda yerləşdirilməsi faktının özü Avropa, o cümlədən Rusiya üçün təhlükədir.
Onun sözlərinə görə, “Rusiya dəfələrlə ABŞ-a nüvə silahının milli ərazilərdən kənarda yerləşdirilməsinin yolverilməzliyi barədə razılığa gəlməyi təklif edib, lakin cavab almayıb”.
“Yüksək rütbəli polşalı siyasətçinin hazırkı təşəbbüsü növbəti təxribatdır ki, onun məqsədi ilk növbədə amerikalılara meqa-sadiq Polşanın mövcudluğunu xatırlatmaq, ikincisi, Amerika nüvə çətiri altında daha da dərinləşməkdir”, deyə Kosaçev bildirib.
Senator onu da deyib ki, bu təşəbbüs NATO-nun Belarusda Rusiya nüvə silahlarının yerləşdirilməsinin hipotetik mümkünlüyü ilə bağlı daimi narahatlığı fonunda xüsusilə biabırçı və ikiüzlü görünür:
"Bunu prezident Aleksandr Lukaşenko bir vaxtlar NATO strateqlərinin bu cür təxribat xarakterli bəyanatlarına cavab olaraq deyib".
"Bunu prezident Aleksandr Lukaşenko bir vaxtlar NATO strateqlərinin bu cür təxribat xarakterli bəyanatlarına cavab olaraq deyib".
Digər maraqlı xəbərləri həmçinin Sputnik Azərbaycan-ın Teleqram kanalından izləyin.