BAKI, 2 aprel - Sputnik. Rusiya Müdafiə nazirliyi Ukraynadakı son vəziyyət barədə məlumat yayıb. Sputnik Azərbaycan xəbər verir ki,️ Rusiya ordusu yüksəkdəqiqlikli silahlarla daha bir neçə yanacaq anbarını məhv edib.
Bildirilib ki, əməliyyatın əvvəlindən 381 PUA və 1882 tank məhv edilib.️ Daha iki Ukrayna helikopteri və 24 PUA vurulub.️
Yüksək dəqiqlikli silahlarla Poltava və Dnepr şəhərlərində hərbi aerodromlar sıradan çıxarılıb. Rusiya SQ sutka ərzində daha 67 hərbi obyektə zərbə endirib.
Ukraynada nə baş verir
Xatırladaq ki, Rusiya fevralın 24-də Ukraynada xüsusi hərbi əməliyyata başlayıb.
Prezident Vladimir Putin onun məqsədini "səkkiz il ərzində Kiyev rejimi tərəfindən zorakılığa və soyqırıma məruz qalan insanların müdafiəsi" kimi ifadə edib.
Bunun üçün, onun sözlərinə görə, "Ukraynanın demilitarizasiyası və denasifikasiyası"nın həyata keçirilməsi, Donbassda "mülki əhaliyə qarşı qanlı cinayətlərə" cavabdeh olan bütün hərbi cinayətkarların məsuliyyətə cəlb edilməsi planlaşdırılır.
Rusiya Federasiyasının Müdafiə Nazirliyinin məlumatına görə, Silahlı Qüvvələr yalnız hərbi infrastruktura və Ukrayna qoşunlarına zərbələr endirir.
V.Putin vurğulayıb ki, Rusiya Silahlı Qüvvələrinin dəstəyi ilə "DXR" və "LXR" qrupları hücumu inkişaf etdirir, lakin Ukraynanın işğalından söhbət getmir.
Digər maraqlı xəbərləri həmçinin Sputnik Azərbaycan-ın Teleqram kanalından izləyin.