BAKI, 22 mart - Sputnik. Kür çayı artıq Xəzər dənizinə qovuşub.
Bu barədə Neftçala rayon sakinləri Report-a məlumat veriblər.
Onların bildirdiyinə görə, nəticədə dünəndən etibarən Kür çayının suyu dənizə tökülür və su şirinləşib. Son günlər Kür çayının aşağı axınında yerləşən Salyan və Neftçala rayonlarında suyun səviyyəsi 1 metr qalxıb.
Qeyd edək ki, bu ayın əvvəlindən Kür çayında su azalıb, Salyan və Neftçala rayonunun bəzi yerlərində tamamilə qurumuşdu.
Digər maraqlı xəbərləri həmçinin Sputnik Azərbaycan-ın Teleqram kanalından izləyin.