BAKI, 21 mart - Sputnik. Azərbaycan prezidenti İlham Əliyev Çin Xal Respublikasının sədri Si Cinpinə sərnişin təyyarəsinin qəzaya uğraması ilə əlaqədar başsağlığı verib.
“Bu ağır anlarda kədərinizi bölüşür, baş vermiş bu faciə ilə əlaqədar Sizə, həlak olanların ailələrinə və yaxınlarına, dost Çin xalqına öz adımdan və Azərbaycan xalqı adından dərin hüznlə başsağlığı verirəm”, - deyə ölkə başçısının başsağlığı məktubunda qeyd edilir.
“Bu ağır anlarda kədərinizi bölüşür, baş vermiş bu faciə ilə əlaqədar Sizə, həlak olanların ailələrinə və yaxınlarına, dost Çin xalqına öz adımdan və Azərbaycan xalqı adından dərin hüznlə başsağlığı verirəm”, - deyə ölkə başçısının başsağlığı məktubunda qeyd edilir.
***
Bu gün səhər saatlarında "China Eastern" aviaşirkətinə məxsus "Boeing 737" sərnişin təyyarəsi Çinin cənubunda qəzaya uğrayıb. Dövlət televiziyası bildirib ki, ölənlər barədə hələ məlumat verilməyib.
Təyyarə Kunminqdən Quançjou istiqamətində daxili uçuş həyata keçirirdi. Təyyarədə 132 sərnişin olub.
Çin Aviasiya Administrasiyası "China Eastern" şirkətinə məxsus "Boeing 737" sərnişin təyyarəsinin qəzaya uğraması barədə məlumatı təsdiqləyib.
Təyyarədə ümumilikdə 132 nəfər - 123 sərnişin və 9 ekipaj üzvü olub.
Təyyarədə ümumilikdə 132 nəfər - 123 sərnişin və 9 ekipaj üzvü olub.
Sosial şəbəkələrdə Çin aviaşirkətinə məxsus sərnişin təyyarəsinin qəzaya uğradıqdan sonrakı görüntüləri peyda olub.
Görüntülərdə, təyyarənin dağlıq əraziyə düşdüyünü müşahidə etmək olar.
Görüntülərdə, təyyarənin dağlıq əraziyə düşdüyünü müşahidə etmək olar.
Qəzanın baş verdiyi ərazidə dərhal meşə yanğını başlayıb.
Digər maraqlı xəbərləri həmçinin Sputnik Azərbaycan-ın Teleqram kanalından izləyin.