BAKI, 15 mart — Sputnik. Milli Məclis Nazirlər Kabinetinin 2021-ci ildə fəaliyyəti haqqında hesabatını qəbul edib.
Müzakirələrdən sonra deputatların böyük əksəriyyəti sənədin lehinə səs veriblər.
Qeyd edək ki, hesabatı Baş nazir Əli Əsədov təqdim edib.
Toplantıda hökumət üzvləri də iştirak ediblər.
***
Milli Məclisin plenar iclası keçirilir.
Sputnik Azərbaycan xəbər verir ki, iclasın gündəliyinə bir məsələ daxil edilib.
İclasda Nazirlər Kabinetinin 2021-ci ildə fəaliyyəti haqqında hesabatı müzakirəyə çıxarılacaq.
Plenar iclasda Baş nazir Əli Əsədov və hökumət rəsmilərinin iştirak edəcəyi gözlənilir. Hesabatı Baş nazir təqdim edəcək.
Qeyd edək ki, Nazirlər Kabinetinin 2021-ci ildə fəaliyyəti haqqında hesabatına əsasən, 2021-ci il üçün dövlət büdcəsinin gəlirləri 25 427 mln manat proqnoza qarşı 26 396,3 mln manat təşkil edib. Bu da 969,3 mln manat, yaxud 3,8 faiz, 2020-ci illə müqayisədə isə 1 714,6 mln manat və ya 6,9 faiz çoxdur.
2021-ci ili üçün dövlət büdcəsinin xərcləri 27 422,4 mln manat və ya 96,1 faiz səviyyəsində icra olunub. Bu da 2020-ci illə müqayisədə 1 006,1 mln manat və ya 3,8 faiz çoxdur.
Digər maraqlı xəbərləri həmçinin Sputnik Azərbaycan-ın Teleqram kanalından izləyin.