BAKI, 11 mart — Sputnik. ABŞ və müttəfiqlərinin hərəkətləri beynəlxalq ticarət qaydalarının bərbad vəziyyətə düşməsinə səbəb olub. Onun sözlərinə görə, gərginlik isə hətta siyasətdən uzaq sahələrə - idman, mədəniyyət, elmə təsir göstərib, xaricdə sadə rusiyalılar problemlərlə üzləşirlər.
"ABŞ və onun müttəfiqlərinin qeyri-dost hərəkətləri misli görünməmiş vəziyyətin yaranmasına səbəb olub - beynəlxalq ticarətin əsas qaydaları praktiki olaraq məhv edilib", - deyə Mişustin sanksiyalar şəraitində Rusiya iqtisadiyyatının sabitliyini artırmaq üçün hökumət komissiyasının iclasında qeyd edib.
O əlavə edib ki, "kommersiya maraqları üçün açıq şəkildə lobbiçilik gedir".
Bundan əlavə, Rusiya baş nazirinin sözlərinə görə, "gərginlik hətta prinsipcə siyasətin olmaması lazım olan sahələrdə də yaranır – bunlar idman, mədəniyyət, elmdir". "Problemlər xaricdə təhsil alan və ya sadəcə olaraq yaşayan həmvətənlərimizdə də yaranır", - deyə Mişustin vurğulayıb.
"Öz hökumətlərinin təzyiqi altında Rusiya müəssisələrinin xarici sahibləri ölkəmizdə işləri dayandırılması barədə qərarlar qəbul edirlər, bu, vətəndaşların həyat keyfiyyəti üçün risklidir", - deyə hökumət başçısı əlavə edib.
Eyni zamanda, o, "sahiblərin əksəriyyəti iş yerlərini saxlamaqda və işçilərə əmək haqqının ödəməyə hazır olmasını" "müsbət siqnal" kimi qiymətləndirib.
Üçüncü paket
Hökumət anti-sanksiya tədbirlərinin üçüncü paketi üzərində fəal işləyir.
"Hökumətin planı nəinki yerinə yetirilməlidir, həm də hadisələrin inkişafından asılı olaraq aktuallaşdırılmalıdır. Bu, dəyişikliklərin Rusiya iqtisadiyyatına təsirini minimuma endirəcək", - deyə baş nazir Mixail Mişustin qeyd edib.
Yeni paketi həm kiçik və orta biznesi, həm də sistem təşkil edən müəssisələrin dəstək tədbirləri əhatə edəcək:
1 mart 2022-ci ilə qədər kredit götürmüş KOS-lar üçün kredit tətilləri nəzərdə tutulub. Ödənişlər altı aya qədər təxirə salına bilər.
Sistem əhəmiyyətli müəssisələr 10% güzəştli dərəcələr ilə dövriyyə vəsaitlərinin doldurulması üçün kredit ala biləcəklər.
sanksiyalardan zərər çəkən şirkətlər artıq risklərdən xilas etmək üçün öz kontragentlərinin siyahısını dərc etməmək hüququ əldə edəcəklər.
müştərilər sanksiyalara görə öhdəliklərini lazımi şəkildə yerinə yetirə bilməyən tədarükçülərə qarşı cərimələri silə biləcəklər.