BAKI, 12 mart - Sputnik. Rusiyanın əsas hava daşıyıcısı olan “Aeroflot”un törəməsi olan “Rossiya” şirkəti Soçidə beynəlxalq qovşağı işə salacaq və oradan o cümlədən Azərbaycana uçuşlar həyata keçiriləcək.
Beynəlxalq qovşaq, birləşdirən uçuşların yüksək faizi ilə aviaşirkətlər tərəfindən sərnişinlər üçün transfer nöqtəsi kimi istifadə olunan qovşaq hava limanıdır.
“Rossiya”nın baş direktoru Sergey Aleksandrovski bildirib ki, aviaşirkət Soçidən Qazaxıstan, Türkiyə, Misir, İran, Özbəkistan, Azərbaycan, Ermənistan, Qırğızıstan və İsrail şəhərlərinə uçuşlar həyata keçirəcək.
Martın 25-dən etibarən Soçidən Aktau, Aktobe, Almatı, Antalya, Atırau, Bakı, Bişkek, Buxara, Yerevan, Qahirə, Nur-Sultan, Oş, Səmərqənd, İstanbul, Daşkənd, Tehran, Tel-Əviv, Urgenç, Fərqanə və geriyyə, aprelin 22-dən etibarən isə Soçidən Türkiyənin Bodrum, Dalaman şəhərlərinə və əks istiqamətdə uçuşlar başlayacaq.
Rusiyanın cənubunda hava məkanı martın 20-dək bağlanacaq. Uçuşlara məhdudiyyətin uzadılması barədə qərar ölkənin aviasiya orqanları tərəfindən Ukraynada xüsusi əməliyyatın keçirilməsi ilə əlaqədar qəbul edilib.
İlkin olaraq, fevralın 24-də Rusiyanın cənubundakı hava limanlarına uçuşlara qoyulan qadağa martın 2-dək qüvvədə idi, sonra isə 8 mart 2022-ci ilə qədər, daha sonra isə martın 14-nə kimi uzadılmışdı.
Digər maraqlı xəbərləri həmçinin Sputnik Azərbaycan-ın Teleqram kanalından izləyin.