BAKI, 5 mart — Sputnik. "Təmiz Şəhər" Açıq Səhmdar Cəmiyyətinin Müşahidə Şurasının iclasında cəmiyyətin strategiyası, investisiyalar və təyinatlar üzrə fəaliyyəti müzakirə olunub.
Sputnik Azərbaycan ASC-yə istinadən xəbər verir ki, ekologiya və təbii sərvətlər naziri Muxtar Babayevin sədrliyi ilə keçirilən tədbirdə həmçinin Azərbaycan İnvestisiya Holdinqinin nümayəndələri iştirak edib.
Eyni zamanda, iclas iştirakçıları cəmiyyətin işğaldan azad edilmiş ərazilərdə tullantıların yığılması, daşınması, yerləşdirilməsi və zərərsizləşdirilməsi sisteminin müasir standartlara uyğun qurulması və idarə edilməsi ilə bağlı görəcəyi işləri nəzərdən keçiriblər.
Bərdənin Güloğlular yeni qəsəbəsində, arxiv şəkli
© Sputnik / Musa Muradli
İclasda bu ərazilərdə tullantıların idarə edilməsi layihəsinin effektivliyi üçün qısamüddətli və uzunmüddətli planlar müzakirə olunaraq müvafiq qərarlar qəbul olunub.
Qeyd edək ki, "Təmiz Şəhər"in Müşahidə Şurasının tərkibi Azərbaycan Prezidentinin 2021-ci il 22 sentyabr tarixli Sərəncamına əsasən yenidən formalaşdırılıb.
Digər maraqlı xəbərləri həmçinin Sputnik Azərbaycan-ın Teleqram kanalından izləyin.