BAKI, 21 fevral - Sputnik. Amerika lideri Co Bayden bizi Ukraynanın günü sabah NATO-ya qəbul olunmayacağına, üstəlik, moratoriumun mümkünlüyünə inandırıb. Sputnik Azərbaycan RİA Novosti-yə istinadən xəbər verir ki, bunu Rusiya prezidenti Vladimir Putin Rusiya Federasiyası Təhlükəsizlik Şurasının iclasında deyib.
“Mən bu barədə həmkarlarımla danışıram və amerikalı həmkarım əmin etdi ki, Ukrayna günü sabah qəbul olunmayacaq. Üstəlik, buna bir növ moratoriumun qoyulması da mümkündür. Lakin onlar hesab edirlər ki, Ukrayna bu gün hazır deyil”, - Putin bildirib.
Qeyd edək ki, bir qədər bundan əvvəl ABŞ və Fransa prezidentləri Co Baydenlə Emmanuel Makron Rusiya ilə bağlı problemin diplomatik həlli, eləcə də Moskvanın qarşısının alınması məsələsini müzakirə ediblər.
Yelisey sarayının məlumatına görə, liderlər, xüsusən də Ukrayna regionundakı vəziyyətdən danışaraq, "eskalasiyanın qarşısını almaq, riskləri azaltmaq və sülhü qorumaq üçün lazım olan bütün tədbirləri görməyə dair qəti öhdəliklər götürüblər".
Bu söhbətdən sonra Makron Ukrayna prezidenti Vladimir Zelenski, Böyük Britaniyanın Baş naziri Boris Conson və ABŞ Prezidenti Co Baydenlə telefonla danışıb.
Digər maraqlı xəbərləri həmçinin Sputnik Azərbaycan-ın Teleqram kanalından izləyin.