BAKI, 18 fevral — Sputnik. Qarabağ müharibəsi əlillərinə verilən avtomobillərin başqalarının idarə etməsi üçün hansı halda etibarnamə verilə bilməsinə aydınlıq gətirilib.
Sputnik Azərbaycan xəbər verir ki, Sosial Xidmətlər Agentliyinin İdarə Heyətinin sədrinin müavini Pərviz Səfərov deyib ki, şəxs yalnız eyni yaşayış məntəqəsində yaşadığı şəxsə etibarnamə verə bilər.
Onun sözlərinə görə, eyni yaşayış məntəqəsində yaşayan şəxslər Agentliyə müraciət edən zaman müvafiq sənədləri təqdim etməlidirlər. Bu sənədlərlə həmin şəxs öz imtiyazını təsdiq etməlidir.
Qarabağ müharibəsi əlili olduğunu və ya müharibə nəticəsində əlil olduğunu bildirən şəxs sənədi, yaşayış yerindən arayışı, maşını kimə etibar etmək istəyirsə, qohumluq dərəcəsinə aydınlıq gətirməlidir. Bu zaman etibarnamə verilə bilər. Etibarnamə verilən şəxsin sürücülük vəsiqəsi olmalıdır.
Digər maraqlı xəbərləri həmçinin Sputnik Azərbaycan-ın Teleqram kanalından izləyin.
Həmçinin oxuyun: