BAKI, 13 fevral - Sputnik. Rusiya bazarı Azərbaycanın qeyri-neft ixracı üçün ən perspektivli və Azərbaycanın hədəfləməli olduğu bazardır. Bu baxımdan, həmin istiqamətdə bütün qərarlar, o cümlədən çatdırılmanın sürətləndirilməsi ilə bağlı qərarlar müsbət qiymətləndirilməlidir.
Bu barədə iqtisadçı Elşad Məmmədov Sputnik Azərbaycan-a ölkəmizdən Rusiyaya ilk "Aqroexpress"-in göndərilməsi haqqında danışarkən deyib.
O qeyd edib ki, “Aqroexpress” layihəsinin işə salınmasının köklü dəyisikliklərə səbəb olmayacağını hesab edir, çünki problem çatdırılmada deyil:
O qeyd edib ki, “Aqroexpress” layihəsinin işə salınmasının köklü dəyisikliklərə səbəb olmayacağını hesab edir, çünki problem çatdırılmada deyil:
"Əsas problem Azərbaycanda investisiya çatışmazlığıdır. Ölkəmiz hətta daxili bazar üçün kifayət qədər məhsul istehsal edə bilmir.
Bu gün Azərbaycanın daxili bazarında ciddi idxal asılılığı var. Bu vəziyyəti dəyişmək lazımdır. Ölkədə istehsalın artımını təmin etmək vacibdir. Bu problemi həll etmək üçün isə investisiyalar lazımdır".
"Ölkəmizdə elə bir istehsal qurulmalıdır ki, həm daxili, həm də xarici bazarlar üçün kifayət qədər məhsul olsun. Əgər bu baş verməsə, "Aqroekspress" və ya digər çatdırılma mexanizmi olmağına baxmayaraq, mənası az olacaq", - iqtisadçı yekunlaşdırıb.
Qeyd edək ki, fevralın 12-də Azərbaycanda “Aqroekspress” layihəsinin icra olunması çərçivəsində Ləcət stansiyasında ilk yük qatarının təntənəli göndərilmə mərasimi baş tutub.
Mərasimdə bildirilib ki, “Aqroekspress” layihəsi Azərbaycan-Rusiya İşgüzar Şurası, “Rusiya İxrac Mərkəzi” SC (RİM), “Roseksimbank” SC, “Azərbaycan Dəmir Yolları” QSC, “RDY” ASC-nin dəstəyi ilə “Alliance Logistics” MMC və “RDY Logistika” SC tərəfindən həyata keçirilir.
Digər maraqlı xəbərləri həmçinin Sputnik Azərbaycan-ın Teleqram kanalından izləyin.
Eləcə də oxuyun: