BAKI, 3 fevral — Sputnik. BMT yaşam keyfiyyəti və infrastrukturun inkişaf səviyyəsinə görə dünyanın ən yaxşı meqapolislərini açıqlayıb. Moskva BMT-nin 2022-ci il Şəhər Rifahı İndeksində yüksək qiymətlər alıb.
Mütəxəssislər dünyanın 50 ən böyük şəhərini təhlil ediblər, nəticədə yekun reytinqə 29 meqapolis (əlifba sırası ilə) daxil edilib: Banqkok, Boqota, Buenos-Ayres, Honq Konq, Darussalam, Dehli, Cakarta, Laqos, Lima, London, Madrid, Mexiko, Moskva, Nayrobi, Nyu-York, Osaka, Paris, Pekin, Santyaqo, Sao Paulo, Seul, Sidney, Sinqapur, Tokio, Toronto, Ho Şi Min, Şanxay, Uhan və Ər-Riyad.
Meqapolislər aşağıdakı inkişaf göstəricilərinə görə qiymətləndirilib:
iqtisadi məhsuldarlıq;
infrastrukturun inkişafı;
yaşam keyfiyyəti;
bərabərlik və sosial inteqrasiya;
ekoloji sabitlik
idarəetmə və qanunvericilik.
Bu göstəricilər üzrə balans da nəzərə alınıb.
Moskva mənzil, sosial, İKT, nəqliyyat infrastrukturunun inkişaf səviyyəsi, şəhərlərin hərəkətlilik səviyyəsi, eləcə də nəqliyyatın inkişaf səviyyəsini qiymətləndirən İnfrastrukturun inkişafı kateqoriyasında Honq-Konq və Parisi qabaqlayaraq birinci olub.
Bundan əlavə, Moskva səhiyyə, təhsil, elm və texnologiya, mədəniyyət və asudə vaxt, təhlükəsizlik, eləcə də ictimai məkanlar sahəsində inkişaf səviyyəsini qiymətləndirən "Yaşam keyfiyyəti" kateqoriyasında ən yaxşı olub. Bu göstəricilərə görə Rusiya paytaxtı Sinqapur və Honq Konqdan irəlidədir.
Rusiyanın paytaxtı Sinqapur və Toronto ilə birlikdə hərtərəfli qiymətləndirməyə görə dünyanın ən tərəqqi edən 3 meqapolisi sırasına daxil olub. Moskva bu göstəricidə Sidney, London, Paris, Madrid, Şanxay, Honq-Konq və Nyu-Yorku qabaqlayır.
Sakinlərin şəhərin siyasi həyatında iştirak səviyyəsi, biznesə başlamaq üçün şərait və elektron dövlət xidmətlərinin inkişaf səviyyəsini qiymətləndirən "Şəhər idarəçiliyi və qanunvericilik" kateqoriyasında Moskva dünyanın ən yaxşı 10 meqapolisi arasındadır.
Şəhər Rifah İndeksi nədir
Şəhər Rifah İndeksi dünya şəhərlərinin inkişafında rifah və bərabərlik səviyyəsinin qiymətləndirilməsi və monitorinqi üçün hərtərəfli vasitədir. O, davamlı şəhər inkişafı üçün qlobal səyləri əlaqələndirmək barədə 1978-ci ildə əsası qoyulmuş BMT-nin Əhlainin Məskunlaşma Proqramı tərəfindən hazırlanmışdır.
İndeks ilk dəfə 2015-ci ildə dərc edilib. Sonra onun fəaliyyəti dayandırılıb və onun metodologiyası əsasında ayrı-ayrı şəhərlərin inkişafı üzrə tədqiqatlar dərc edilib. 2022-ci ildə Şəhər Rifahı İndeksi yenidən işə salınıb.
Digər maraqlı xəbərləri həmçinin Sputnik Azərbaycan-ın Teleqram kanalından izləyin.
Həmçinin oxuyun: