BAKI, 28 yanvar — Sputnik. “Ötən il Minatəmizləmə Agentliyi 59 layihənin icrasına başlayıb. 48 layihə tamamlanıb, sifarişçilərə təhvil verilib”. Bunu jurnalistlərə açıqlamasında Azərbaycan Respublikası Minatəmizləmə Agentliyinin İdarə Heyətinin sədri Vüqar Süleymanov deyib. O hazırda Ağdam rayonunun ərazisində icra olunan Bərdə-Ağdam Dəmiryolu layihəsi üzrə təmizləmə işlərinin aparıldığını bildirib.
Vüqar Süleymanov ANAMA-nın idarə heyətinin sədri
© Sputnik / Emin Alisahib
“Bu layihənin uzunluğu 26,4 kilometrdir. Minatəmiləmə agentliyi təxminən 10 kilometr ərazini təmizləyib. 6 kilometr təmizləyib, 4 kilometrini də təhvil verib. 4 kilometr də üzümüzə gələn həftə təhvil veriləcək. Bu ərazi keçmiş təmas xəttindən keçən bir ərazidir. Bu ərazidə minalarla və partlamamış sürsatlarla çkirklənmə yüksəkdir. Bəzi hallarda biz burda əllə təmizləmə üsulu ilə işləyə billirik. Yəni nə itlərdən, nə mexaniki minatəmizləmə vasitələrindən istifadə etmək mümükün olunmur”.
Qeyd edək ki, hazırda sözügedən ünvanda bir sıra layihələr icra olunur. Bərdə-Ağdam avtomobil yolu layihəsi və Bərdə-Ağdam dəmir yolu xətti, Xındırıstan – Ağdam elektrik xətti təmizlənərək, təhvil verilib.
Həmçinin Ağdam-1, Ağdam 2 elektrik layihəsi üzrə ərazi təmizlənərək, icraçılara həvalə olunub. Ərazilərdən aşkarlanan minalar və partlamamış döyüş sürsatları ANAMA – nın əməkdaşları tərəfindən partlayış yolu ilə zərərsizləşdirilib.
Digər maraqlı xəbərləri həmçinin Sputnik Azərbaycan-ın Teleqram kanalından izləyin.
Həmçinin oxuyun: