Şimali Amerika hinduları ilin ilk Ay bədirlənməsi zamanı, qışın ortalarında, meşədəki ac canavarların həmişəkindən daha çox uladıqlarını və insanların bu vəziyyətdən qorxduqlarını görərək, bu Ayı "Canavar Ayı" adlandırıblar.
Ulu babalarımız Ayın bədirlənməsini baş verdiyi ayın xüsusiyyətlərindən asılı olaraq fərqli adlandırıblar. Avropa və Amerikada soyuq yanvar gecələrində kəndlilər tez-tez canavarların ulamalarını eşidirdilər və buna görə də yanvarda Ayın bədirlənməsini "Canavar Ayı" kimi adlandırmağa başlayıblar.
Əvvəllər canavarların aclıqdan uladıqları düşünülürdü, ancaq indi məlum olub ki, bu yırtıcılar ulayaraq bir-biriləri ilə ünsiyyət qurur, sürünün birliyini qoruyur və ya insanları qorxudurlar.
Ay bədirlənən zaman o, maksimum parlaqlığına çatacaq. Yer kürəsinin təbii peyki - gecə səmasında ən parlaq obyektdir və onu xüsusi avadanlıq olmadan da müşahidə etmək çox asandır.
"Qarlı Ay" kimi tanınan növbəti Ayın bədirlənməsi isə 2022-ci il fevralın 16-da baş verəcək.
Ümumilikdə 2022-ci ildə 12 dəfə Ay bədirlənəcək və hər biri ilin hər ayında doğacaq. Ancaq bəzən bir təqvim ilində 13 dəfə Ayın bədirlənməsini müşahidə etmək olur. Sonuncu dəfə bu hal 2020-ci ildə baş verib.