BAKI, 31 dekabr - Sputnik. Yeni il axşamı pirotexniki vasitə Bakıda yanğına səbəb olub.
Zabrat-1 qəsəbəsində, N.Nərimanov küçəsində yerləşən doqquzmərtəbəli binanın liftində yanğın başlayıb.
Sakinlərin Sputnik Azərbaycan-a verdikləri məlumata görə, uşaqlar "zırpaket" adlandırdıqları partladıcı maddəni liftə ataraq qaçıblar, az keçmədən yanğın başlayıb.
Hadisə yerinə FHN-in iki yanğınsöndürən briqadası gəlib. Hazırda yanğınsöndürmə işləri davam edir. Xəsarət alanlar barədə məlumat yoxdur.
Daha bir yanğın isə Bakı şəhəri, Nəsimi rayonu, Cavadxan küçəsində beşmərtəbəli yaşayış binasında başlayıb. Bu barədə məlumatı FHN yayıb. Hal-hazırda yanğınsöndürmə işləri davam etdirilir.