BAKI, 27 dekabr - Sputnik. Bioloqlar qırmızı və qızardılmış əti çox yeyənlənlərin daha çox aterosklerozdan - damar tıxanmasından əziyyət çəkdiyini bildirir.
Onlar yeni elmi tədqiqat vasitəsilə bunun niyə baş verdiyini araşdırıb.
Nature Microbiology dərgisində dərc edilən elmi məqalədə ət qidalarından bağırsaqda Emergencia timonensis bakteriyasının çoxaldığı bildirilir.
Bu bakteriyaların sintez etdiyi maddə - belə demək mümkündürsə, bakteriya qalıqları damar divarlarında pıtraqlar yaradır. Bu səbəbdən xolesterin də yüksəlir, damarların içində kalsium yığılır və getdikcə damarlar daralır.
Klivlend klinikasının professorları ət qəbulu ilə ateroskleroz arasında əlaqəni sübut ediblər.
Ətli qidalar bağırsaq mikroflorasını dəyişir, orada zərərli bakteriyaları çoxaldır.
Belə ki, bu mikroflora ətdə olan faydalı maddələri udub, onları TMAO maddəsinə çevirir. Aterosklerozun əsas səbəbkarı isə məhz TMAO-dur.
"Emergencia timonensis bakteriyaları TMAO molukulu üçün əsas mənbədir. Ət xoşlayanların bağırsağında bu bakteriya daha çoxdur, nəinki veqanların", - Sfera.az Nature Microbiology-yə istinadla yazıb.