BAKI, 26 dekabr - Sputnik. Başqırdıstan Respublikasında magistral yolda 30-dan çox avtomobilin iştirakı ilə qəza baş verib.
Bu barədə Respublika Prokurorluğunun mətbuat xidməti məlumat yayıb.
Başqırdıstan yol polisinin mətbuat xidməti daha əvvəl 15-ə yaxın, sonra 22-dək avtomobilin iştirakı ilə yol qəzasının baş verdiyini bildirmişdi.
İlkin məlumatlara görə, bu gün günorta saatlarında əlverişsiz meteoroloji şəraitlə əlaqədar Ufa-Orenburq yolunun 49-cu km-də 30-dan çox avtomobilin iştirakı ilə qəza qeydə alınıb. Nəticədə 1 nəfər ölüb, 5 nəfər xəsarət alıb, nəqliyyat vasitələri mexaniki zədələnib.
***
Başqırdıstanda magistral yolda 15-ə yaxın avtomobilin iştirakı ilə qəza baş verib.
Başqırdıstan yol polisinin mətbuat xidmətinin məlumatına görə, qəza zamanı bir nəfər ölüb.
Qəza Ufa-Orenburq yolunun 49-cu km-də qeydə alınıb.
Zərərçəkənlər barədə məlumat dəqiqləşdirilir.