BAKI, 26 dekabr - Sputnik. Rusiya prezidenti Vladimir Putin Yeni ildə nəvələrinə hədiyyələri özünün seçdiyini bildirib.
Bu barədə Vladimir Putin “Rossiya 1” telekanalının efirində “Moskva. Kreml. Putin” proqramının aparıcısı Pavel Zarubinə müsahibə verərkən deyib.
Prezident nəvələri üçün hədiyyələri özü seçib-seçmədiyi sualına belə cavab verib:
“Bəli, qismən. Təəssüf ki, marketə alış-verişə getmirəm. Amma indi başqa yollarla da nəyisə seçmək imkanı var və mən bunu özüm etməyə çalışıram, ümid edirəm ki, bəyənirlər”.
Qeyd edək Putin Yeni ili ailəsi və dostları ilə birlikdə qarşılamağa üstünlük verir.
Rusiya Prezidentinin mətbuat katibi Dmitri Peskovun sözlərinə görə, Putin bayram tətilində dincəlməsə də, nəfəsini dərməyə imkan tapır.
"Onda adətən belədir - o, heç vaxt tam dincəlmir, amma ola bilsin nəfəsini dərəcək", - deyə mətbuat katibi ötən il Putinin Yeni il tətilini necə keçirəcəyi barədə sualı cavablandırarkən demişdi.
Həmçinin oxuyun: